السلام عليكم ورحمة الله
والصلاة والسلام علي رسول الله
درس اليوم مع
الطريقة الصحيحة لتسجيل و التقدم للصف الاول الابتدائى
أو رياض الاطفال
لتسجيل التقدم للصف الاول الابتدائى أو رياض الاطفال
اليكم خطوات الحصول عليها والتسجيل بالتفصيل
يتم الدخول على اللينك التالي
ثم ملء جميع البيانات الخاصة بولي الأمر بدقة
(جميع البيانات مطلوبة ويمكن التجاوز عن البريد الالكتروني لو مش موجود مش هنكتبه)
في نهاية البيانات في خانة بيطلب فيها كلمة المرور دي بنكتب فيها أي مجموعة من الحروف والارقام بيختارها ولي الأمر براحته بحيث لا تقل عن ثمانية ويكون بها حرف كابيتال على الأقل ونحتفظ بالكلمة دي نكتبها في ورقة عشان متضعش لان دي المطلوبة عند التسجيل وهنحتاجها بعد كده ونضغط على تسجيل
هتظهرلك رسالة أن تم التسجيل بنجاح
اضغط عودة هترجع للصفحة الأولى المطلوب فيها الرقم القومي لولي الأمر وكلمة المرور
بتكتبهم بتظهرلك رسالة أن تم تسجيل حسابك بنجاح
بعد كده بتقدر تدخل على لينك التقدم للصف الاول أو رياض الاطفال
هنا تختار نوع التسجيل اذا كان ابنك او بنتك هتقدم في
الصف الاول الابتدائي او رياض الاطفال
هنا اذا اخترت التقديم للصف الاول الابتدائي
وهنا اذا اخترت التقديم لرياض الاطفال
وبيكون مطلوب ايضا الرقم القومي وكلمة المرور بتكتبهم
بيفتح صفحة بها نوعية التعليم بنختار (رسمي أو لغات ) واسم المحافظة و الرقم القومي للطفل وتاريخ الميلاد ومحافظة الميلاد
بعد استكمال البيانات بنضغط على بدء تسجيل الطلب ونستكمل الطلب باختيار المدرسة التي يرغب ولي الأمر بالتقدم إليها والادارة التابعة لها وكل ولي أمر له الحق في اختيار ٣ مدارس وممكن يختار مدرسة واحدة حسب رغبته في ذلك
ملحوظة اخر موعد للتسجيل ٦/٣٠ يعني عندنا فرصة لنهاية الشهر الموقع شغال وناس دخلت وسجلت لو اللينكات مفتحتش يبقى في ضغط على الشبكة وبنجرب تاني يوم .