السلام عليكم ورحمة الله
والصلاة والسلام علي رسول الله
درس اليوم مع
أبنائي طلاب الشهادة الاعداديه 👇👇
تم فتح موقع تسجيل إستمارة الشهادة الإعدادية
وعلى الطلاب الاستعداد لعمل الاستماره من خلال تفعيل الايميل الموحد سواء بالرجوع لمسؤول التطوير بالمدرسة
أو من خلال سايبر او مكتبة أو من خلال الطالب نفسه
اتباع هذه الخطوات :
تفعيل الإيميل الموحد لطلاب الصف الثالث الاعدادي
لعمل استمارة الشهادة الاعدادية
أولا: خطوات تفعيل الإيميل الموحد
هتدخل علي الرابط ده 👇
- هتختار حساب الطالب اللي باللون الأحمر.
- هتفتح لك صفحة .
- هتكتب الرقم القومي بتاعك والكود ( مكتوب فى ايصال دفع المصروفات بالبريد )
وتعلم علي مربع انا لست برنامج ريبوت وبعد كده تدوس علي التحقق من البيانات .
هتفتح لك صفحة فيها اسمك ومدرستك وتحتها هيطلب منك تكتب
رقم التليفون أو البريد الإلكتروني
( يكون مفعل وشغال عشان تستقبل عليه رساله)
لان هيبعتلك عليه كود التفعيل .
- وهتكتب كلمة السر الجديدة ولازم تكون 10 حروف كابيتال
وصمول وأرقام ورموز .
- بعد كده تعلم علي أنا لست برنامج ريبوت.
- وتختار إرسال كود التفعيل عن طريق الإيميل اللي انت كتبته أو
رقم المحمول
- بعد كده هيجيلك مربع تكتب فيه كود التفعيل اللي وصلك علي
الايميل أو رقم المحمول.
- وهتلاقي صفحة ظهرت لك بالايميل الموحد بتاعك وكلمة السر
اللي انت جديده .
كده انت فعلت الإيميل بنجاح
تحتفظ بالإيميل والباسورد ضروري وكمان لازم تكون عارف
الايميل البديل عشان لو احتجت تنشط الايميل فى حالة عدم
استخدامه لأنه كل فتره بيحتاج تنشيط
تحضر ورقك المطلوب
👈 الصور الشخصيه
( اربعه صور أو زيادة حسب طلب المدرسة )
ومكتوب عليها اسمك رباعي من الامام وتكون متصور بلبس المدرسه وخلفيه بيضاء والصور 4*6
👈 وشهادة الميلاد الإلكترونية بالعلامه المائية وصورتين منها
👈وايصال المصروفات بالبريد ٢٢٠ جنية وصوره منه
وإيصال رسوم الامتحان ب١٦٣ جنية من البريد وصوره منه
وطابع بريد ب10جنية
👈ولو انت طالب بالتجريبي هتزود على الورق المطلوب إيصال
رسوم التجريبي بيتم سدادها في المدرسه بالفيزا ٧٥٠ جنية
وتصور كل الأصول حسب العدد المطلوب من المدرسه
المهم الصورة الشخصيه اللي هترفعها على الاستماره هي نفسها
الصورة اللي هتقدمها مع الملف وتطبع الاستماره بالالوان
وترفقها مع الملف في الدوسيه وتتأكد أن ورقك كامل
🚨🚨الفيديو ده كنت عملته قبل كده عن كيفيه تسجيل إستمارة
الشهادة الإعدادية إن شاء الله هيفيدكم ولو في حاجه مش واضحه
قولوا لي في التعليقات 👇👇
الفيديو
https://youtu.be/fkQHVU1Eifk
رابط تسجيل الاستمارة الالكترونية للصف الثالث الإعدادى
رابط الحصول على الحساب المدرسى الإلكترونى الموحد
