الكليات والمعاهد الخاصة والحكومي لدبلوم تجاره 3سنين الحكومي والخاص ولكل الشعب

   السلام عليكم ورحمة الله

والصلاة والسلام علي رسول الله

درس اليوم مع

الكليات والمعاهد الخاصة والحكومي 

لدبلوم تجاره 3سنين  لكل المدارس الحكومي والخاص 

ولكل الشعب

ملحوظة مكتوب امام كل كليه او معهد الشعبة اللي بتقبل  منها 

 أولا الكليات الحكومية

(1)كليه تكنولوجيا اداره ونظم معلومات بورسعيد فقط

تقبل (جميع الشعب)

مجموعها (97.83)

________________________

(2)/كليه تجاره انتظام

تقبل (جميع الشعب) وتوجد في كل المحافظات

مجموعها (97.25%)وطالع

وبمعادله في حاله لو مجبتش مجموعها ________________________

 ‏

(3)/ كليه تجاره انتساب تقبل(جميع الشعب) 

وموجوده في كل المحافظات

مجموعها (97.24%)وطالع

وبمعادله في حاله لو مجبتش مجموعها

________________________

(4)/ كليه تكنولوجيا وتنميه الزقازيق   

شعبه علوم ماليه وإدارية

تقبل(جميع الشعب) وتوجد في جامعه الزقازيق 

بالشرقية فقط

مجموعها (97.41%)

________________________

(5) كليه تربية

توجد في (طنطا/مدينه السادات/كفر الشيخ/حلوان/سوهاج)

فقط تقبل ( جميع الشعب)

مجموعها (97.32%)وطالع

________________________

(6)الجماعات التكنولوجيا الجديدة شعبه خدمات فندقية وسياحية 

وتكتب  في التنسيق

كليه التكنولوجيا الخدمات الفندقية والسياحية

وتوجد في مدينه طيبه بالأقصر ومدينه بورسعيد

مجموعها (93.96%)وطالع

_________________________

(7) كليه تعليم تبادلي سياحه وفنادق بحلوان وإسكندرية والفيوم والسادات  فقط

تقبل (جميع الشعب)

مجموعها (94.65%)وطالع

________________________

     ثانيا المعاهد الحكومي 

 

(1)معهد فني صحي يقبل من

(شعبه ادار  وشعبه تسويق )فقط

سنتين فقط مجموعه (97.73%)وطالع

ويوجد في (اسوان /جنوب الوادي/ كفر الشيخ /بني سويف /

الوادي الجديد /امبابه /الزقازيق/ بنها /طنطا /المنصورة)

_____________________________

(2)/ معهد فني تجاري يقبل من (جميع الشعب) 

ويوجد في كل المحافظات

مجموعه  (80.64%)وطالع

________________________

       ثالثا المعاهد الخاصة   

دي معاهد معتمده من وزاره التعليم العالي ومجلس الأعلى

 للجامعات وبتعادل الكليات وهي 4سنين تنقسم للثلاث أنواع  وهي

 كالاتي  

(1)المعاهد العالية  للإدارة وسكرتارية

المعهد سنتين + سنتين

اول سنتين بتحصل علي دبلوم سكرتارية ولوعايز تكمل السنتين

 الاخرين بتجيب جيد جدا وتكمل ال4 سنين وتحصل علي

 بكالوريوس اداره وسكرتارية

بفلوس مش اقل من 5000جنيه في سنه الواحدة 

ومكتوب في تنسيق

(سكرتارية بكلية رمسيس بالقاهرة طالبات والإدارة والسكرتارية

 والحاسب بكلية البنات القبطية بالعباسية إدارة وسكرتارية)

 -------------------------

(2) المعاهد التجارية العالية   

 بمصروفات من9000الي18000جنيه سنويا 

وبتديك بكالوريوس تجاره اوبكالوريوس علي حسب تخصصك 

والتخصصات كالاتي هذه المعاهد  

*نظم ومعلومات اداريه

*علوم اداريه

*اداره ومحاسبه

*ادار اعمال

*تجاره

*اعمال دوليه

*ادار بنوك وأسواق مال

*تسويق 

وجميع الأقسام بتحصل علي  بكالوريوس تجاره 

وبتقبل من60%وطالع وموجوده في كل محافظات

----------------------------

(3) المعاهد  العالية للسياحة والفنادق

  وهي معاهد خاصه عالية بمصروفات مش اقل من 10000جنيه

 في السنه وهي 4سنين بتديك بكالوريوس سياحه وفنادق وبتقبل

 من 60%وطالع

وموجوده في القاهرة والإسماعلية والجيزة واكتوبر والمنيا

 ودمياط وإسكندرية والاقصر والغردقة 

 رابعا :  المعاهد الخاصة السنتين 

(1) الجامعة العمالية شعبه علاقات صناعيه او شعبه  فندقية

ومصروفتها 8500

جنيه سنويا وهي سنتين فقط  

بتديك دبلوم فوق المتوسط ولايوجد بيها تكمله 

وبتقبل من 65%وطالع

ولو عايز تعمل معادله بعدها مفيش مشكله و بتدخل كليه تجاره 

وتوجد في (اسوان /أسيوط/بني سويف/القاهرة(مدينه نصر/

والدراسة)/الزقازيق /طنطا/إسكندرية/دمياط/كفر الشيخ/المنصورة)

ومكتوبه في تنسيق

(ج.  عماليه علاقات صناعيه)

(جامعه عمالية شعبة الفندقة مدينة نصر)

___________________________

(2)المعاهد الإدارية والسكرتارية شعبه نظم سنتين فقط 

(بنات فقط)

المعهد العالي  للإدارة والسكرتارية والحاسب بكلية البنات  القبطية

 بالعباسية شعبه نظم المعلومات الإدارية وشعبه ادار وسكرتاريه

معهد سنتين فقط ويوجد في كليه البنات  بالعباسية ومجموعه

 (87.93%)

ينفع تعمل معادله منه لكليه تجاره فقط

مصاريفه 5000جنيه سنويا

↙️↙️↙️↙️↙️↘️↘️↘️↘️↘️

دي كل معاهد الحكومي والخاص و الكليات الحكومي لدبلوم تجاره 3سنين ومجموعهم