الأوراق المطلوبة للتقديم في الكليات المختلفة جهزوها الان

  السلام عليكم ورحمة الله

والصلاة والسلام علي رسول الله

درس اليوم مع

الأوراق المطلوبة للتقديم في الكليات المختلفة 

جهزوها الان 👇👇

👈1 - صورة بطاقة الترشيح .👌

👈2 - أصل شهادة الثانوية العامة + صورة منها .

👈3 - أصل 2 شهادة الميلاد حديثة .

(جديدة اللي فيها 3 أرقام)

 للذكور علشان التجنيد للبنين + صورة منها .

👈⁦⁩4 - صورة البطاقة الشخصية .

👈5 - عدد 6 صور حديثة مقاس 4 في 6 .

👈6 - استمارة 2 جند [ للذكور فقط ] .

👈7-  المصاريف [ تختلف من كلية للثانية ] .

⁦نصائح هامة أثناء التقديم للجامعة

 

👈1- صور بطاقة الترشيح بعد ما تطبعها حوالي 5 صور ، 

لانك هتدخل بيها من بوابة الجامعة وهتبقي ضمن 

أورق التقديم وهتحتاجها .

👈2- الصور مينفعش تبقي غير مقاس 4 في 6 لو

 روحت بصور صغيرة هترجع بيها ومش هياخدوا ورقك .

👈3- استمارة 2 جند و 6 جند بتيجي من منطقة التجنيد اللي أنت

 تابع ليها ، وبعض المدن والمراكز بتجيبها من مديرية الأمن ،

أفضل حاجة تسأل واحد من بلدك أكبر منك وكان في ثانوية وقوله

 كنت جايبها منين .

👈4- بعض الكليات بتطلب دوسيه بلاستيك مع ورق التقديم ،

 عشان تحط فيه ورقك 

👈⁦⁩5- التقديم للكليات لسه بدري عليه ، وكل كلية بتعلن مع

 نفسها إنها فتحت باب التقديم ، بس جهز ورقك حتى يتم الإعلان

 عن تقديم الأوراق المطلوبة.

👈⁦⁩6- شهادة الميلاد من المهم جدا تكون حديثة ويكون

 موجود فيها الثلاث أرقام ، وبيتم استخرجها من السجل المدني

 التابع للمحافظة وللجهة اللي حضرتكم فيها أو تبعها.

👈7- لما تروح تجيب استمارة 2 جند واستمارة 6 جند ، هتجيبها

 بالبطاقة فقط ، وممكن حد يجبهالك عادي بس بطاقتك تكون معاه

 وسارية .

👈8- صورة البطاقة الشخصية مهمة في بعض الكليات فالكل

 يعملها

👈9- بعد التقديم بتظهر النتيجه وبتعرف اتقبلت في كلية إيه

 وتظهرلك بطاقه الترشيح باسمك واسم الكلية بتطبعها من على

 النت .

بالتوفيق إن شاء الله للجميع